Jeugdprins Ties deel 2

Hallo Allemoal, Doa bin ich weer,
Op donderdigaovend 24 januwari zint v’r mit ’n afvaardiging van de CV noa Op de Bies geweâs, doa wirk mam en die heije ’n galazitting georganiseerd. Dit woar ’n biezongere aovend mit veul sjpass en plezeer: goesje mit confetti, polonaise laupe en leuke artieste.
Op zoaterdigmiddig hubbe v’r foto’s gemak mit alle Prinse en Prinsesse oet groët Nuth. Dat woar sjnell gepiept en ’t resultaat kint d’r binnekort zië in ’t NutherNuujts.
’s Oaves zint v’r mit d’r Jeugdroad noa de friture geweâs ter iere van ‘t 4 x 11 joarig jubileum van de JCV. Dat ging d’r natuurlik bie jiekerein good in. Doa noa zint v’r noa de house party bij Harrie in ’t café gegange. Dit woar erg gezellig en ich hub mich dan auch prima geamuseerd.
Zondig 27 januwari woar d’r groëte daag van de jubiuleumzitting. Wat ‘ne topdaag!!
Same mit Hailey en d’r jeugdroad zoote v’r op de bühne, ja zitte, v’r zint natuurlijk hiël dik opgesjtange om polonaise te laupe.
De klassen van de sjoel heije nei hun bis gedoan om vuur os leuke acts te verzurge, ech sjiek! ’T Woar auch hiël erg druk in d’r zaal, ongevier alle kinger van de sjoëlwoare d’r en de artieste kreege de sjtimmung good d’rin. Doöm und Doöl aan het eind woar natuurlik d’r klapper van d’r daag en u perfect sjlot van ein SUPER jubileumzitting.
Ich hub auch vrung en vriendinne oet mien klas en de kinger van ozze carnavalsgroep CV de Bongard gedecoreerd mit mien medalje. Vier mooste zoëwiezoë veul decoraties oetdeile, want omdat de jeugd jubileum hei kreeg jiekerein unne nuuje pin van de jeugd CV.

Erg biezonger woar auch dat d’r iësjte jeugdprins van de Veldkretserkes aanwezig woar. Waal joamer woar dat ich erg verkouwe bin en auch nog las hei van koppien, mer ongerwiel ein paracetamol gepak en dat haat mich waal op de bein gehoute. Noej iekere daag flink staume en ’n un neave mien bid, want ich kin natuurlik niet krank weâre, want de kommende weâks jteit auch wir van al op ’t program.

Dees weâk woar ’n weâk mit vuêl activiteite. Op goonsdig woâre Loek, Hailey en ich oetgenuüdigd op d’r carnavalsoavend van de VIB. Tot mien verrassing woert mien oma Paula doa es prinses van de VIB oetgeroope. Natuurlik moos ich toen mit oma op de foto!
Op donderdig bin ich auch nog effe op de gehandicaptencarnaval in ’t café geweâs, neet es Jeugdprins mer mit os klas mooste v’r ozze sjlager nog eine kier zinge.
Op vrijdig hei ich ‘ne rusdaag: same mit oma noa ’t LVK gekiëke, woe pap, mam en Siem heen woare. Deâ Siem is waal dik in beeld geweâs! Veûl vrung vroogte of ich auch doa woar, mér omdat ’t al zoë druk is, vong ich ’t beâter om lekker heim te blieve.
Op zoaterdig 2 februwari moos ich om 20.15 uur in d’r Café zin, want v’r zint toen begos mit het aafhoale van d’r Veldkretser bie Awt Prins Kas. Kas hei ’n kleine Veldkretser opgehange en zei dat deâ groëte gekrompe woar.

Noa d’r optopch begos in d’r café de AwtWieverbal. Pap zou mit mich mit goan in d’r optoch, mer wie v’r bie Harrie woare zei pap dat heâ nog gauw noa de WC moos (en ich mich aan ’t ergere). Wie v’r teruuk keeme in d’r café woar pap nurges mië te bekinne, mer Siem waal. Achteraf bleek dat heâ neet noa de WC moos, mer dat heâ zich woar goan verkleie es Awt Menke.

Mam woar auch verkleid, mer dat wis ich al van te vuure, die geit ummer verkleid. Same mit Richard hub ich heur gevonge, v’r zooge ’t aan de meneer van laupe.
Pap hub ich neet kinne ontdekke, heâ bleek mit Marjo Snijders es koppel te zin. Mam en Daniël wiste hie auch nieks vanaaf. Marjo hei teâge Daniël en Mam gezag dat ze noa Berg a/d maas mit ‘ne collega noa de AwtWieverbal ging. Dat woar waal ’n leuke ontknuiping wie de maskers aafginge!
Om hauf 2 woar ’t eigelijk nog gezellig, mer op zondig mooste v’r mit d’r Jeugdroad noa Biëmele, dus toen zint v’r toch mer noa heim gegange.
Om ein oer op zondig 3 februwari ginge v’r in de taxibus mit Hailey, d’r jeugdroad en de dansmarietjes noa Biëmele. ’T programma woar soms waal get eintonig mit veûl Dansmarietjes van allerlei vereniginge, merich hub mich toch hiel good geameseerd. De jeugdcommissie heât os nog op ‘ne fricandel getracteerd, dat geit d’r ummer waal in natuurlijk. Bie ’t noa heim goan krege v’r noch nei ‘ne Brand’s Beer toeter. Ger zult uch waal kinne vuurstelle wat dat vuur ein kabaal woar in d’r taxi noa Roa!
Truuk in d’r café hubbe v’r nog effe get gedronke en toen heivesj: eâte en lekker op de bank!
Noe mot ich helaas mien Prinsjesjap effe in d’r wachtstand zitte, want d’r sjtond noe drie belangrieke daag voor de duur: de CITO-toets. Drie daag flink concentrere, vreug noa bid en de carnaval effe vergeâte. Went die daag omzint, zit ich d’r “Prinssjtand” wir op “On” en dan gont v’r d’r ein groet fiës van make in Roa!

De groete, Ties
Foto gallerij
 
  
Activiteiten

20-09-2014:   Ledendag CV de Veldkretsers
18-10-2014:   Ledenvergadering CV de Veldkretsers
15-11-2014:   Openingsbal en leedjesconcours
04-01-2015:   Prinsenproclamatie
09-01-2015:   Galazitting
17-01-2015:   Carnavalskienen
25-01-2015:   Jeugdzitting
07-02-2015:   Awt-Wiever en Awt-Mennekesbal
12-02-2015:   Inschriéve optog
13-02-2015:   Steuteloverdracht
14-02-2015:   Carnavalszaterdag
15-02-2015:   Carnavalszondag
16-02-2015:   Carnavalsmaandag
17-02-2015:   Carnavalsdinsdag
18-02-2015:   Aswoensdag